«جىل سايىنعى ناۋرىزبەن قۇتتىقتاۋ ءداستۇرىن بۇزىپ، ونىڭ ورنىنا بيىل پرەزيدەنت پەن ۇكىمەتكە ۇندەۋ جاساعىم كەلەدى. سىزدەر ەلدەگى كوروناۆيرۋس جاعدايىمەن دۇرىس اينالىسىپ جاتقان جوقسىزدار. ىندەت وتەدى، ءبىراق قازاقستانداعى بيزنەسكە قانداي سالدار اكەلەدى، قوعامنىڭ بەلسەندى بولىگى بولىپ تابىلاتىن شاعىن جانە ورتا بيزنەس قالاي ءومىر سۇرەدى؟"، - دەپ سۇراق تاستايدى.

بۇدان ءارى بيزنەسىمەن پرەزيدەنت پەن ۇكىمەتكە قويعان سۇراعىنىڭ سەبەبىن دە ەگجەي-تەگجەيلى اتاپ وتكەن.

"شوك سۋبەكتىلەرىنىڭ كىرىستەرى 50-100% -عا تومەندەدى جانە بۇل كارانتين اياقتالعاننان كەيىن دە بىرنەشە ايعا جالعاسادى، ويتكەنى تۇرعىنداردىڭ شوب قىزمەتتەرى مەن تاۋارلارىنا دەگەن سۇرانىستى قامتاماسىز ەتۋ ءۇشىن قولما-قول قاراجاتى جوق. مەن بارلىق حالىققا، ەرەسەكتەرگە 100 000 تگ جانە كامەلەتكە تولماعاندارعا 50 000 تگ كولەمىندە قولما-قول اقشا ءبولۋ تۋرالى ماسەلەنى شۇعىل قاراستىرۋ قاجەت دەپ سانايمىن. قازاقستان قالالارىندا پاندەميا مەن كارانتيننىڭ ۇزاققا سوزىلۋىن ەسكەرە وتىرىپ، بۇل شارانى جارتىلاي نەمەسە تولىقتاي قايتالاۋ قاجەت بولۋى مۇمكىن" دەپ تۇسىندىرەدى. 

وسى رەتتە ازاماتتىق بەلسەندى شاعىن جانە ورتا بيزنەس سۋبەكتىلەرىنە ارنالعان نەسيە مولشەرلەمەسى 0-گە تەڭ بولۋى كەرەكتىگىن، 30 ميلليون تەڭگەگە دەيىنگى نەسيەگە كەپىلدەمەنى ازايتۋ دۇرىس دەيدى. ول ءۇشىن ۇلتتىق بانك ەكىنشى دەڭگەيدەگى بانكتەرگە تەرىس مولشەرلەمە -5% مولشەرىندە نەسيە بەرۋ قاجەت، ەكىنشى دەڭگەيلى بانكتەر دە كوروناۆيرۋسپەن كۇرەسۋگە ءوز ۇلەستەرىن قوسىپ، نەسيە راسىمدەۋدە پايىزدى تومەندەتۋى قاجەت دەپ ەسەپتەيدى ەرلان نۇرپەيىسوۆ.

"ەگەر جوعارىدا كورسەتىلگەن شارالار ىشكى سۇرانىستى ىنتالاندىرۋ جانە ەل ەكونوميكاسىن قالپىنا كەلتىرۋ ءۇشىن جەتكىلىكسىز بولسا، شوك ءۇشىن ءۇش اي مەرزىمگە دەمالىس جاريالاۋى، تاعى ءبىر توقسانعا ۇزارتىلۋى قاجەت. مۇنداي بۇرىن-سوڭدى بولماعان جاھاندىق داعدارىستا ۇكىمەت ءىس جۇزىندە بيزنەس پەن حالىققا بەت بۇرۋى كەرەك جانە جاي تىڭداۋشى عانا ەمەس، سونىمەن بىرگە قولداۋشى مەملەكەتكە اينالۋى كەرەك! ولاي بولماعان جاعدايدا، بىزدە جوقشىلىق، دەپرەسسيا مەن تارتىپسىزدىكتەر ورىن الادى، سالدارىنان مەملەكەتتىك ينستيتۋتتار قيراپ، جالىحالىقتىق حاوس ورنايدى»، - دەيدى كاسىپكەر ەرلان نۇرپەيىسوۆ ءوز پاراقشاسىندا.